Paliligo sa hot spring

PALILIGO SA HOT SPRING

paliligo sa hot spring

ay gawaing magaling

makakatha'y masining

niring diwa kong gising

pinakapahinga ko

sa tambak na trabaho

sa buhay na magulo

ang paliligo rito

ginhawa'y naramdaman

ng pagod kong isipan

ng pagal kong katawan

ng patâ kong kalamnan

anong sarap sumisid

na kayganda sa litid

bawat ginhawang hatid

puso ang nakabatid

- gregoriovbituinjr.

10.01.2025

* mapapanood ang munting bidyo sa kawing na: https://fb.watch/Cs1qWA4Dy3/